修護睫毛底霜 Pmel Essence Mascara Base

唔知大家仲讀緊書嘅時候,
有無試過貪靚夾眼睫毛呢?
我就有勒, 仲試過好多透明睫毛液諗住可以反地心吸力咁hold住個 "natural curve"~
但係都無支掂, 通常一搽上去就立即"dup"番落來, 仲衰過唔搽.....

雖然大個咗之後係搽有色嘅mascara, 但仍然不減我對"自然"捲曲眼睫毛的鍾情。
最近就俾我試到支效果非常好嘅, 係日本牌子野,
叫做PDC Pmel Essence Mascara Base 修護睫毛底霜

下面係我嘅試用圖:

上面咗上角嗰張係我乜都未整,

之後用睫毛夾夾, 再上支base, 一掃定型!

真係一下! 記住由個根部一直向上掃, 臨尾hold一hold住個勢, 唔駛2秒就搞掂!

下面嘅圖就係出咗街一日嘅相, 啲睫毛仲係好捲, 一啲都冇dup, 勁!

 支base嘅說明除咗可以令睫毛持久捲翹外, 仲可以保護有色睫毛液防暈染

我之後係有上Mayeblline支ROCKET Volum Express, 真係完全冇脫色, 

不過我總覺得佢翹到咁高, 根本都掂唔到我d皮膚, 哈哈!

講開Mayeblline mascara, 尼支rocket volum express又係會dup.....

我都係鍾意用番佢黃色Mega Volume express嗰支~ 今次都係廣告累事, 見佢賣得咁行, 又見用佢黃色嗰支用咗咁耐, 新野點都有進步掛? 點知都係令人失望....

好彩而家有咗支Base就無有怕啦~

不過支base都有個缺點, 就係一定要用眼部卸妝水先卸到, 

我試過用紅水都唔得, 真係要靚無得懶.....

俾啲眼睫毛修謢tips大家:. 就係夜晚搽eye cream嘅時候可以搽埋落啲眼睫毛度, eye cream嘅養份同樣可以修謢睫毛, 令睫毛不易斷, 長得更快更濃密更健康! 不過相反, 如果朝早起身要化眼妝就要避開眼睫毛, 係夾眼睫毛嘅時候一定要確保乾爽, 否則你會發現點夾都唔捲, 仲分分鐘大力得濟夾傷睫毛添!

遲啲再同大家分享吓睫毛增長液啦~